“İnter Mayami” klubunun hücumçusu Lionel Messi cərimə zərbəsindən vurduğu növbəti qol ilə braziliyalı əfsanə Ronaldinyonu geridə qoyub. Sport-az.com xəbər verir ki, bu barədə championat.com məlumat yayıb.
MLS-də keçirilən və 3:3 hesabı ilə başa çatan “Filadelfiya Yunion”la oyunda Messi birbaşa cərimə zərbəsindən fərqlənərək bu üslubda 67-ci qolunu vurub.
Bu nəticə ilə argentinalı futbolçu futbol tarixində cərimə zərbəsindən ən çox qol vuran 3-cü oyunçu oldu. Ondan irəlidə yalnız iki futbolçu var:
- Juninyo Pernambukano – 77 qol
- Pele – 70 qol
Qeyd edək ki, “Əl-Nəsr”in hücumçusu və Portuqaliya millisinin üzvü Kriştiano Ronaldo isə cərimə zərbəsindən 64 dəfə fərqlənib və hazırda bu göstəricidə Messidən geri qalır.
