Azərbaycan futbol hakimləri 2025/2026-cı illər mövsümünə hazırlığı yay toplanışı ilə davam etdirəcəklər.
Sport-az.com Report-a istinadla xəbər verir ki, bu dəfə hazırlıq prosesi ölkə daxilində — Bakıda təşkil olunacaq. Yay toplanışının iyulun ikinci yarısında başlaması nəzərdə tutulur.
Toplanış çərçivəsində hakimlər bir neçə yoxlama oyununda da meydana çıxacaqlar. Bu qarşılaşmalar onların praktiki hazırlıq səviyyəsini artırmaq və fiziki-texniki göstəricilərini yoxlamaq baxımından əhəmiyyət daşıyacaq.
Qışda Antalyada çalışıblar
Qeyd edək ki, bu ilin əvvəlində azərbaycanlı referilər Antalyada təlim-məşq toplanışında iştirak etmişdilər. Orada keçirilən fiziki testlər və nəzəri dərslər hakimlərin hazırlıq səviyyəsinin yüksəldilməsinə xidmət etmişdi.
