31 may tarixində Münhendə keçirilən Çempionlar Liqasının final matçında “Pari Sen-Jermen” “İnter”i darmadağın edərək 5:0 hesabı ilə qalib gəldi və tarixində ilk dəfə Avropanın əsas klub turnirinin qalibi oldu.
Rekord məbləğ: PSJ nə qədər qazandı?
Fransanın paytaxt təmsilçisi təkcə finaldakı qələbəyə görə 25 milyon avro mükafat aldı. Lakin bu, parislilərin ümumi qazancının yalnız bir hissəsidir.
UEFA-nın rəsmi açıqlamasına əsasən, PSJ 2024/25 mövsümündə Çempionlar Liqasında ümumilikdə 163 milyon avro qazanıb. Bu, turnirin tarixində rekord göstəricidir. Komanda bu vəsaiti qrup mərhələsindəki çıxış, pley-offdakı uğurlar, reytinq bonusları və yayım gəlirləri sayəsində təmin edib.
Müqayisə üçün qeyd edək ki:
- “Çelsi” Konfrans Liqasındakı qələbəyə görə cəmi 18 milyon avro,
- “Tottenhem” isə Avropa Liqasının qalibi kimi təxminən 25 milyon avro əldə edib.
PSJ-nin qazancı yalnız maliyyə baxımından deyil, həm də klubun tarixində simvolik əhəmiyyət daşıyır. Bu titul həm yeni dövrün başlanğıcı, həm də illərdir yatırılan sərmayələrin nəticəsidir.
