Azərbaycan Prezidenti İlham Əliyev 2025-ci ildə minifutbol üzrə dünya çempionu olmuş milli komandamızın uğurunu yüksək qiymətləndirərək, Azərbaycan Minifutbol Federasiyasına 2 milyon manat məbləğində maliyyə vəsaiti ayrılması barədə sərəncam imzalayıb. Sport-az.com xəbər verir ki, vəsait Azərbaycan Respublikasının 2025-ci il dövlət büdcəsində nəzərdə tutulmuş Prezidentin ehtiyat fondundan ayrılacaq.
Sərəncamda nəzərdə tutulan əsas məsələlər:
- Maliyyə Nazirliyi ayrılmış vəsaitin köçürülməsini təmin etməlidir;
- Nazirlər Kabineti isə sərəncamdan irəli gələn məsələlərin həllini təşkil etməlidir.
Xatırladaq ki, Azərbaycan millisi bu ilin əvvəlində keçirilmiş Minifutbol üzrə Dünya Çempionatında tarixi uğura imza ataraq çempionluq titulunu qazanıb. Bu münasibətlə federasiyaya ayrılan dövlət dəstəyi, ölkədə bu idman növünün daha da inkişafına töhfə verməyi hədəfləyir.
