“İnter”in sabiq çalışdırıcısı Səudiyyə Ərəbistanında – Al-Hilal yeni dövrə başlayır
Dünyanın ən tanınmış məşqçilərindən biri olan Simone İnzaqi karyerasını Səudiyyə Ərəbistanında davam etdirəcək. 49 yaşlı italiyalı mütəxəssis “Al-Hilal” klubunun baş məşqçisi təyin olunub. Bu komanda vaxtilə Neymarın da çıxış etdiyi məşhur Asiya klubudur.
Fabrizio Romanonun məlumatına görə, tərəflər arasında 2 illik müqavilə imzalanıb. İnzaqi ildə 25 milyon avro maaş və əlavə bonuslarla təmin olunacaq. O, bu vəzifədə portuqaliyalı Jorje Jezusu əvəzləyib.
İnzaqinin uğurlu “İnter” dövrü
Simone İnzaqi 2021-ci ilin yayından 2024-cü ilin yayına qədər “İnter” klubuna rəhbərlik edib. Onun rəhbərliyi altında Milan təmsilçisi:
- 1 dəfə A Seriyası çempionluğu,
- 2 dəfə İtaliya Kuboku,
- 3 dəfə Superkubok qazanıb.
- Həmçinin 2 dəfə Çempionlar Liqasının finalında iştirak edib (bunlardan sonuncusunda PSJ-yə uduzub).
Məhz bu uğurlu dövr onun adını Avropa futbolunda ən etibarlı taktiki məşqçilər sırasına yazdırdı.
