37 yaşlı argentinalı superulduz Lionel Messi ABŞ-ın MLS çempionatında may ayının ən yaxşı futbolçusu seçilib. Bu barədə Sport-az.com MLS-in sosial şəbəkə platforması X-də paylaşdığı rəsmi məlumata istinadla xəbər verir.
7 oyunda 11 məhsuldar fəaliyyət
May ayında “İnter Mayami” klubunun hücumçusu 7 oyunda meydana çıxıb. Bu görüşlərdə Messi 7 qol vurub və 4 məhsuldar ötürmə edib. Onun bu çıxışı MLS-dəki liderliyini və liqanın əsas ulduzu statusunu bir daha təsdiqləyib.
“İnter Mayami”də möhtəşəm statistika
Messi 2023-cü ilin yayında “İnter Mayami” klubuna keçib. O vaxtdan bu günə kimi o, bütün turnirlərdə 59 oyunda iştirak edib:
- 49 qol
- 24 məhsuldar ötürmə
Ulduz futbolçunun klubla müqaviləsi 2025-ci ilin sonuna qədər qüvvədədir. Transfermarkt portalına görə, hazırda Messinin bazar dəyəri 18 milyon avrodur.
