Məşhur UFC döyüşçüsü Rafael Fiziyev Azərbaycanda fəaliyyət göstərən “Qarabağ” futbol klubunun qonağı olub. Sport-az.com xəbər verir ki, 32 yaşlı azərbaycanlı idmançı “Azersun Arena” stadionuna baş çəkərək komandanın məşq prosesi ilə tanış olub.
Ziyarət zamanı Fiziyev klubun baş məşqçisi Qurban Qurbanov və müdafiəçi Bəhlul Mustafazadə ilə də görüşüb. Səmimi şəraitdə keçən görüş zamanı idmançılar qarşılıqlı təəssüratlarını bölüşüblər.
Qeyd edək ki, Rafael Fiziyev iyunun 21-də Bakıda – “Baku Crystall Hall” arenasında keçiriləcək UFC döyüş gecəsi çərçivəsində İqnasio Baxamondes ilə qarşılaşacaq.
