Helsinkidən olan Finlandiya klubu HİK Avropa futbolunun ən eksklüziv klublarından birinə qoşuldu.
Konfrans Liqasının təsnifat mərhələsində ilk oyunda Farer adalarının “Runavik” klubuna 0:4 hesabı ilə uduzan HİK cavab görüşündə rəqibini 5:0 hesabı ilə məğlub etdi.
Matç boyunca finlər rəqib qapısına 60 zərbə endirdi və həlledici qolu 90+4-cü dəqiqədə vuraraq oyunu əlavə vaxta daşıdı.
UEFA turnirlərinin tarixində bu, yalnız altıncı belə haldır ki, komanda ilk görüşdə 4 top fərqi ilə uduzmasına baxmayaraq mərhələni keçməyi bacarıb.
UEFA turnirlərində 4 top fərqini əritməyi bacaran komandalar:
- Leixões (Portuqaliya): Kuboklar Kuboku 1961/62, Sho-de-Fon (İsveçrə) qarşısında 5:0 – 2:6;
- Partizan (Yuqoslaviya): UEFA Kuboku 1984/85, QPR (İngiltərə) qarşısında 4:0 – 2:6;
- Real Madrid (İspaniya): UEFA Kuboku 1985/86, Borussia Mönchengladbach (Almaniya) qarşısında 4:0 – 1:5;
- Barselona (İspaniya): Çempionlar Liqası 2016/17, PSG (Fransa) qarşısında 6:1 – 0:4;
- Zenit (Rusiya): Avropa Liqası 2018/19, Dinamo Minsk (Belarus) qarşısında 8:1 – 0:4;
- HİK (Finlandiya): Konfrans Liqası 2025/26, Runavik (Farer adaları) qarşısında 5:0 – 0:4.
Növbəti mərhələdə HİK-in rəqibi Bolqarıstan təmsilçisi “Arda” olacaq.
