Azərbaycan Premyer Liqasının 2025/26 mövsümünün açılış turunda keçirilməsi planlaşdırılan “Sabah” – “Qarabağ” oyunu başqa tarixə keçirilib.
Sport-az.com-ın məlumatına görə, “Qarabağ”ın UEFA Çempionlar Liqasında mübarizəni davam etdirməsi səbəbindən oyun təxirə salınıb. Beynəlxalq futbol qaydalarına əsasən, klubların rəsmi matçları arasında ən azı 48 saat fasilə olmalıdır. Bu səbəbdən “Sabah” – “Qarabağ” qarşılaşması yeni tarixə planlaşdırılıb.
“Qarabağ”ın Çempionlar Liqasındakı uğuru
Qeyd edək ki, “Qarabağ” Çempionlar Liqasının üçüncü təsnifat mərhələsinin cavab oyununda Şimali Makedoniyanın “Şkendiya” komandasını 5:1 hesabı ilə məğlub edərək pley-off mərhələsinə vəsiqə qazanıb. Bu qələbə komandanın avrokuboklardakı iddialı çıxışını davam etdirməsinə imkan verib.
