Yeni mövsüm hazırlıqlarını davam etdirən “Kəpəz” komandası daha bir əcnəbi futbolçu ilə gücünü artırıb. Sport-az.com Sportinfo-ya istinadən xəbər verir ki, Gəncə təmsilçisi 22 yaşlı mərkəz müdafiəçisi Jefferson Makiel Bentonu heyətinə cəlb edib.
Braziliyalı futbolçu son olaraq Portuqaliyanın “Portimonense” klubunda çıxış edib. Bundan əvvəl isə vətəni Braziliyada “Botafoqo” komandasının şərəfini qoruyub.
Jefferson artıq Gəncədədir və ən qısa zamanda onun rəsmi keçidi ictimaiyyətə təqdim olunacaq.
