“Arsenal”ın yarımmüdafiəçisi Maks Douman İngiltərə Premyer Liqasının tarixində ikinci ən gənc futbolçu kimi meydana çıxıb. O, 15 yaş 235 günündə debüt edib.
Debüt matçı
2025/26 mövsümünə əsas komanda ilə hazırlaşan gənc futbolçu Bukayo Sakanın zədəsi fonunda 5 yoxlama oyunundan 4-də iştirak etmişdi. APL-in ilk turunda sifarişə düşməsə də, ikinci turda “Lids”lə görüşdə şans qazandı.
64-cü dəqiqədə Noni Maduekənin əvəzinə meydana daxil olan Douman, hesab 4:0 olarkən matça qoşuldu. O, 27 dəqiqə ərzində bir uğurlu driblinq etdi, iki zərbə vurdu və iki dəfə topu ələ keçirdi. 90+5-ci dəqiqədə sürətli reyddən sonra penalti qazandı. Zərbəni Viktor Gyökeres dəqiq yerinə yetirdi – 5:0.
Tarixi göstərici
Douman 15 yaş 235 günündə meydana çıxaraq yalnız komanda yoldaşı İtan Nvaneriyə uduzdu. Nvaneri 2022-ci ildə “Brentford”la oyunda (3:0) 15 yaş 181 günündə debüt etmişdi.
APL-in ən gənc oyunçuları (top-5):
- 15 yaş 181 gün – İtan Nvaneri (“Arsenal”, 2022)
- 15 yaş 235 gün – Maks Douman (“Arsenal”, 2025)
- 15 yaş 271 gün – Ceremi Monqa (“Lester”, 2025)
- 16 yaş 30 gün – Harvi Elliot (“Fulhem”, 2019)
- 16 yaş 68 gün – Metyu Brigs (“Fulhem”, 2007)
Artetanın rəyi
“Arsenal”ın baş məşqçisi Mikel Arteta Doumanın debütünü yüksək qiymətləndirib:
“Bu uşağın emosional sabitliyi, inamı və yetkinliyi var. 15 yaşında belə cəsarətli olmaq – bu, nadir keyfiyyətdir. Onunla işləmək bizə həqiqi sevinc gətirir”.
Komanda yoldaşlarının reaksiyası
Müdafiəçi Yurryen Timber gənc oyunçunu tərifləyib:
“Hər kəs onun potensialını görə bilir. Yetkin kişilərə qarşı oynamaq – bu, asan deyil. Biz də, azarkeşlər də ondan zövq alırıq. Onun parlaq illəri hələ qabaqdadır”.
Maks Douman haqqında
- 15 yaşlı yarımmüdafiəçi “Arsenal” akademiyasının yetirməsidir.
- 2024/25 mövsümündə U18 komandasında 23 oyunda 19 qol və 5 asist edib.
- Komanda ilə Cənub divizionunda 3-cü yeri tutub (44 xal).
- İngiltərə U17 millisində Avropa Çempionatında iştirak edib və Çexiyaya qarşı matçda ən gənc bombardir kimi fərqlənib.
