Azərbaycan çempionu “Qarabağ” bu gün UEFA-ya Çempionlar Liqası üçün iştirak ərizəsini təqdim edəcək. Sport-az.com Sportinfo.az-a istinadən xəbər verir ki, klub Olavio Juninyonun geri qaytarılması məsələsində müəyyən çətinliklərlə üzləşib.
- Ağdam təmsilçisi braziliyalı hücumçunu icarəyə götürmək istəyib, lakin “Flamenqo” buna razılıq verməyib.
- Braziliya klubu 2025-ci ilin yanvarında 5 milyon avroya “Qarabağ”dan transfer etdiyi Juninyonun müvəqqəti olaraq geri qayıtmasına müsbət yanaşmayıb.
- “Flamenqo”nun nümayəndəsi bildirib ki, futbolçu yalnız birdəfəlik satılarsa, keçid mümkün olacaq və bu məbləğ 4 milyon avro təşkil edir.
- “Qarabağ” isə bu məbləği ödəməkdən imtina edib.
Braziliyalı futbolçu O.Juninyo hazırkı klubunun mövqeyindən məyusluq keçirib və “Qarabağ”ın mənsubları ilə əlaqə saxlayaraq, danışıqlar zamanı yaranan fikir ayrılığından təəssüfləndiyini bildirib.
