Paris Şatle teatrında keçirilən “Qızıl top – 2025” təqdimat mərasimində yeni qalib bəlli oldu – mükafatın sahibi PSJ-nin fransalı ulduzu Usman Dembelen oldu.
“Barselona”nın gənc istedadı Lamin Yamal isə ilin ən yaxşı gənc futbolçusu adına layiq görüldü. 18 yaşlı oyunçu həm də əsas “Qızıl top” namizədlərindən biri idi, lakin bu dəfə mükafatsız qaldı.
Marca-nın məlumatına görə, mərasimdən çıxarkən Yamal çətin anlar yaşadı. PSJ azarkeşləri onu fitə basaraq və məsxərəyə qoyaraq qarşılayıblar. Futbolçu təhlükəsizlik əməkdaşlarının müşayiəti ilə binanı tərk edib.
Oyunçuların mövsüm göstəriciləri
- Lamin Yamal: 55 oyun, 18 qol, 25 məhsuldar ötürmə. Komandası ilə birlikdə La Liqa, İspaniya kuboku və Superkubokunu qazandı.
- Usman Dembele: 35 qol. PSJ ilə tarixi “trebl” – Çempionlar Liqası, Fransa çempionatı və kubokunu qazanmağı bacardı.
