“Barselona” görüşün əvvəlindən topa tam nəzarət götürdü. Dani Olmo uzaqdan təhlükəli zərbə endirdi, lakin top qapıdan yuxarı keçdi. Ardınca meydan sahibləri dörd künc zərbəsi qazandı, lakin veteran Kasorlanın ötürmələri nəticə vermədi.
Markus Raşford bir neçə dəfə təhlükəli zərbə ilə yadda qaldı, amma qapıçı Eskandel inamla müdafiə olundu. Rafinhanın cərimə zərbəsi isə divara dəyib geri qayıtdı. İlk hissənin ortalarında “Barselona”nın ardıcıl hücumları nəticəsiz qaldı: əvvəlcə Raşfordun zərbəsini Eskandel qaytardı, sonra isə Arauxonun yaxın məsafədən zərbəsini dəf etdi.
33-cü dəqiqədə isə oyunun gedişatı dəyişdi. Qapıçı Xoan Qarsiya səhvən irəli çıxaraq meydanda boşluq buraxdı və Reyna bundan istifadə edib boş qapıya zərbə ilə hesabı açdı — 1:0. Fliqin yetirmələri üstünlüyə baxmayaraq fasiləyə məğlub yollandılar.
İkinci hissənin əvvəlində kataloniyalılar real mühasirə qurdu. Nəhayət, 56-cı dəqiqədə Arauxonun ötürməsini əvvəlcə Torres tamamladı, lakin Eskandel xilas etdi. Amma Erik Qarsiyanın təkrar zərbəsi artıq dayandırılmadı — 1:1.
70-ci dəqiqədə meydanda yeni daxil olan Robert Levandovski Frankie de Yonqun ötürməsini başla qola çevirdi — 1:2. Son nöqtəni isə Arauxo qoydu: 88-ci dəqiqədə Raşfordun künc zərbəsindən sonra qola imza atdı — 1:3.
Beləliklə, “Barselona” çətin, amma vacib qələbə qazanaraq “Real”la xal fərqini 2-yə endirdi. “Real Oviedo” isə hələ də düşmə zonasından çıxa bilmədi.
6-cı tur, La Liqa
Oviedo, “Estadio Nuevo Carlos Tartiere”
Real Oviedo – Barselona — 1:3
Qollar: Reyna, 33 — E. Qarsiya, 56; Levandovski, 70; Arauxo, 89
Real Oviedo: Eskandel — Ayhado, Bayi, Karmo, Alhassan — Hassan (Sibo, 65), Dendonker (Kolombatto, 89), Reyna (Brecalo, 76), Çayra (Fores, 75) — Kasorla (Ilic, 65), Rondon.
Barselona: X. Qarsiya — Martin (Kunde, 73), Kubarsi, Arauxo, E. Qarsiya — Kasado (De Yonq, 46), Pedri (Bernal, 90+1), Olmo — Rafinha (Levandovski, 65), Torres, Raşford (Kristensen, 90+1).
Qeyd: Bayi, 90+2.
