Azərbaycanın II Liqasında IV turun görüşləri başa çatıb. Xəbər verir ki, dünən start götürən turun ikinci günündə üç qarşılaşma oynanılıb.
Turun ən maraqlı qarşılaşması “Xankəndi” və “Şəki Siti” arasında olub. İbrahim Uzuncanın çalışdırdığı “Xankəndi” komandası Bəhmən Həsənovun rəhbərlik etdiyi bölgə təmsilçisini qəbul edib və 1:0 hesabıyla qalib gəlib. Oyunun taleyini 76-cı dəqiqədə Tural Qurbatovun vurduğu yeganə qol həll edib. Bu qələbədən sonra “Xankəndi” turnir cədvəlinin birinciliyini geri qaytarıb.
Digər oyunlarda “Şəmkir” “Ağstafa Gəncləri”ni 3:1, “Şirvan” isə “Kür-Araz”ı 3:1 hesabı ilə məğlub edib.
Əvvəlki turda “Qaradağ Lökbatan” “Araz-Saatlı”nı 3:0, “Ağdaş” və “Quba” arasındakı oyun 2:2, “Dinamo” və “Göygöl” komandaları arasında isə heç-heçə qeydə alınmışdı.
II Liqa IV turunun əsas nəticələri:
- “Xankəndi” – “Şəki Siti” 1:0
Qol: Tural Qurbatov (76) - “Şəmkir” – “Ağstafa Gəncləri” 3:1
Qollar: Nihat Sarıyev (16), İlkin Əliyev (25), Fəzail Şirxanzadə (53) – Vüsal Aslanov (32) - “Kür-Araz” – “Şirvan” 1:3
Qollar: Cavidan Qasımlı (13) – Elariz Xəlilli (4, 70 – öz qapısına), Vüsal Səfərov (26 – öz qapısına)
