Azərbaycan boksçuları Monteneqronun Budva şəhərində keçiriləcək U-17 Avropa çempionatında mübarizə aparacaqlar. Milli komanda qitə birinciliyində ümumilikdə 21 idmançı ilə təmsil olunacaq.
Çempionata 40 ölkədən 495 boksçu qeydiyyatdan keçib. Bu, U-17 yaş kateqoriyası üzrə Avropa çempionatları tarixində rekord iştirakçı göstəricisidir. Azərbaycan millisinin heyətində həm oğlanlar, həm də qızlar müxtəlif çəki dərəcələrində rinqə çıxacaqlar.
Azərbaycanın Avropa çempionatı üçün heyəti:
- 46 kq: Aysel Fərəcova, Həsrət Məmmədov
- 48 kq: Aydan İsmayıllı, Nihad Məmmədli
- 50 kq: Vaqif Məmmədli
- 52 kq: Leyla Mahmudlu, İsmayıl Nəsirzadə
- 54 kq: Alsu Yafarova, Qardaş Rəhimov
- 57 kq: Cəmilə Muradlı, Məhəmmədəli İstamov
- 60 kq: Əli Abaslı
- 63 kq: Fidan Bakarova, Məhəmmədəli Rüstəmov
- 66 kq: Səma Abbasova, Yusif Həsənli
- 70 kq: Hidayət Məmmədov
- 75 kq: Yusif Ağakişiyev
- 80 kq: Şükar Əliyev
- +80 kq: Xumar Cəfərli, Mehran Rəsulov
Azərbaycan yarışda yalnız boksçularla təmsil olunmayacaq. Anar Nağdıyev və Qalib Əbiyev Avropa çempionatında hakim kimi fəaliyyət göstərəcəklər.
Budva son illərdə müxtəlif yaş kateqoriyaları üzrə böyük beynəlxalq boks yarışlarına ev sahibliyi edir. 2026-cı il U-17 Avropa çempionatı isə iştirakçı sayına görə bu yaş qrupu üzrə indiyədək keçirilmiş ən kütləvi qitə birinciliyi olacaq.
Azərbaycan nümayəndə heyətinin oktyabrın 1-də Monteneqroya yola düşməsi, boksçuların isə yarış proqramı başa çatdıqdan sonra oktyabrın 12-də Bakıya qayıtması nəzərdə tutulub.
