UEFA Çempionlar Liqasında 1/8 final mərhələsinin püşkatma mərasimi bu gün baş tutacaq. Tədbir İsveçrənin Nyon şəhərində yerləşən UEFA-nın mənzil-qərargahında keçiriləcək və Bakı vaxtı ilə saat 15:00-da başlayacaq.
Püşk nəticəsində turnirin ən güclü 16 komandası növbəti mərhələdəki rəqiblərini müəyyənləşdirəcək. Bu raundda liqa mərhələsini ilk səkkiz pillədə tamamlayan kollektivlər və pley-off mərhələsinin qalibləri iştirak edəcəklər.
Turnirdə qalan komandalar
Liqa mərhələsinin ilk “8-liy”ində yer alan klublar bunlardır:
• “Arsenal” (İngiltərə)
• “Bavariya” (Almaniya)
• “Liverpul” (İngiltərə)
• “Tottenhem” (İngiltərə)
• “Barselona” (İspaniya)
• “Çelsi” (İngiltərə)
• “Sportinq” (Portuqaliya)
• “Mançester Siti” (İngiltərə)
Pley-off mərhələsindən adlayan komandalar isə aşağıdakılardır:
• “Real” (İspaniya)
• PSJ (Fransa)
• “Nyukasl” (İngiltərə)
• “Atletiko” (İspaniya)
• “Atalanta” (İtaliya)
• “Bayer 04” (Almaniya)
• “Qalatasaray” (Türkiyə)
• “Budyo Qlimt” (Norveç)
1/8 final mərhələsinin ilk oyunları martın 10-11-də, cavab qarşılaşmaları isə 17-18-də keçiriləcək. Turnirin bu mərhələsi artıq ciddi rəqabət və mümkün top-klub duelləri ilə futbol azarkeşlərinə maraqlı anlar vəd edir.
