Formula-1 üzrə 2027-ci il mövsümünün təqvimində mühüm dəyişiklik gözlənilir. Məlumata görə, ənənəvi olaraq mövsümə ev sahibliyi edən Avstraliya Qran-prisi ilk mərhələ statusunu itirəcək. Yeni plana əsasən, çempionatın açılış yarışı Bəhreyndə keçiriləcək.
İlkin təqvimə əsasən, mövsüm martın 14-də Bəhreyn Qran-prisi ilə başlayacaq. Bundan bir həftə sonra – martın 21-də Səudiyyə Ərəbistanı mərhələsi baş tutacaq. Uzun illər açılış yarışı kimi tanınan Avstraliya Qran-prisi isə üçüncü pilləyə düşərək aprelin 4-də təşkil olunacaq. Qalan mərhələlərin ardıcıllığında ciddi dəyişiklik nəzərdə tutulmur.
Açıqlanan siyahıya əsasən, 2027-ci il mövsümü aşağıdakı yarışlarla davam edəcək:
- Bəhreyn Qran-prisi — 14 mart
- Səudiyyə Ərəbistanı Qran-prisi — 21 mart
- Avstraliya Qran-prisi — 4 aprel
- Çin Qran-prisi — 11 aprel
- Yaponiya Qran-prisi — 25 aprel
- Mayami Qran-prisi — 9 may
- Kanada Qran-prisi — 23 may
- Monako Qran-prisi — 6 iyun
- Portuqaliya Qran-prisi — 13 iyun
- Avstriya Qran-prisi — 27 iyun
- Böyük Britaniya Qran-prisi — 4 iyul
- Belçika Qran-prisi — 18 iyul
- Macarıstan Qran-prisi — 25 iyul
- İspaniya Qran-prisi — 29 avqust
- İtaliya Qran-prisi — 5 sentyabr
- Türkiyə Qran-prisi — 19 sentyabr
- Azərbaycan Qran-prisi — 26 sentyabr
- Sinqapur Qran-prisi — 10 oktyabr
- ABŞ Qran-prisi — 24 oktyabr
- Meksika Qran-prisi — 31 oktyabr
- San-Paulu Qran-prisi — 7 noyabr
- Las-Veqas Qran-prisi — 20 noyabr
- Qətər Qran-prisi — 28 noyabr
- Əbu-Dabi Qran-prisi — 5 dekabr
Beləliklə, Formula-1 rəhbərliyi mövsümün başlanğıcını Yaxın Şərqə daşımaqla həm logistika, həm də iqlim şəraitinə uyğunlaşdırılmış daha optimal təqvim formalaşdırmağa çalışır.
