Bakıda keçirilən “Formula-2” kateqoriyasında sərbəst yürüş başa çatıb. Sport-az.com-un məlumatına görə, sessiyada ən yüksək nəticəni “Rodin Motorsport” komandasının sürücüsü Aleks Dan göstərib. İlk üçlüyü isə DAMS komandasının üzvü Cek Krouford və “Haytek” sürücüsü Dino Beqanoviç tamamlayıb.
Sport-az.com xəbər verir ki, 45 dəqiqə davam edən sessiyada gənc pilotlar Bakının küçə trasına uyğun sazlanmalar üzərində işləyib, təkərlərin effektivliyini yoxlayıblar. Komandalar isə bazar günü keçiriləcək əsas yarış üçün strategiyalarını müəyyənləşdiriblər.
Mövsümün sonuna 3 mərhələ qaldığından, çempionluq uğrunda mübarizə aparan 7 sürücü arasında gərgin rəqabətin davam edəcəyi gözlənilir.
