NBA-də pley-off mərhələsinin növbəti oyun günündə Şərq Konfransının final seriyası çərçivəsində daha bir qarşılaşma keçirilib. “Nyu-York Niks” öz meydanında “Klivlend Kavalirs”i qəbul edib və ardıcıl ikinci qələbəsini qazanaraq seriyada vəziyyəti öz xeyrinə dəyişib.
Nyu-York təmsilçisi oyunun ilk hissəsində çətinlik yaşasa da, üçüncü periodda üstün oyun nümayiş etdirərək rəqibin müqavimətini qırmağı bacarıb. Qarşılaşma meydan sahiblərinin 109:93 hesablı qələbəsi ilə başa çatıb.
Hart və Branson komandanı önə çıxardı
“Niks”in heyətində Coş Hart ən məhsuldar basketbolçu olub. O, 26 xal və 7 məhsuldar ötürmə ilə komandasının uğurunda əsas pay sahiblərindən biri kimi seçilib. Ceylen Branson isə 19 xal və 14 assistlə yadda qalıb.
“Klivlend”də ən yaxşı göstərici Donovan Mitçellə məxsus olub. Basketbolçu 26 xal toplasa da, bu komandasını məğlubiyyətdən xilas etməyə kifayət etməyib.
NBA pley-offu 22 may
“Nyu-York” – “Klivlend” 109:93
(24:27, 29:22, 32:21, 24:23)
Nyu-York: Hart (26 + 7 assist), Branson (19 + 14 assist), Bridces (19), Tauns (18 + 13 ribaund), Anunobi (14) – старт; Makbrayd (5), Klarkson (4), Robinson (4), Şemet (0), Dadye (0), Kolek (0), Alvarado (0).
Klivlend: Mitçell (26), Harden (18), E.Mobli (14), Allen (13 + 10 ribaund), Ueyd (3) – старт; Strus (5), Şröder (4), Tayson (4), Merrill (4), Tomlin (2), Ellis (0), Porter (0), Proktor (0), Brayant (0).
Seriyada hesab: 2-0
