Formula 1-də Mayami Qran-prisinə sayılı günlər qalmış komandalar texniki hazırlıqlarını sürətləndirir. Ferrari-dən sonra Red Bull da yeni yeniləmələri yoxlamaq üçün trasa çıxıb.
Komanda mövsüm ərzində icazə verilən iki filming day-dən birini Böyük Britaniyanın Silverstoun trekində keçirib. Bu testdə əsas diqqət RB22 bolidində tətbiq olunan yeni texniki həllərin effektivliyinin qiymətləndirilməsinə yönəlib.
Verstappen 200 km-lik testi tək başına tamamladı
Dördqat dünya çempionu Maks Verstappen test günü ərzində trasa çıxan yeganə pilot olub. O, reglamentə uyğun olaraq ayrılmış 200 kilometrlik məsafəni tam qət edərək komandaya mühüm məlumatlar qazandırıb.
Red Bull mühəndisləri bu sınaqlarda mövsümün əvvəlində yaşanan çətinlikləri aradan qaldırmağa kömək edəcək yenilikləri yoxlamağa çalışıblar. Komanda xüsusilə bolidin balansı və sürət göstəricilərini yaxşılaşdırmağa fokuslanıb.
Test zamanı bir neçə vacib texniki komponent diqqət mərkəzində olub:
- yeni ön qanad konstruksiyası
- yenilənmiş yan pontonlar
- arxa qanadın aktivləşmə mexanizminin fərqli sistemi
Mütəxəssislərin fikrincə, xüsusilə arxa qanadın işləmə prinsipi sürət baxımından ciddi üstünlük yarada bilər. Bu sahədə Ferrari-nin təqdim etdiyi “Macarena” həllinin də böyük inkişaf potensialı olduğu bildirilir.
