NBA pley-off mərhələsində “San Antonio Spurs” doğma meydanda “Oklahoma Siti Tander” üzərində inamlı qələbə qazanaraq seriyada tarazlığı bərpa edib. Texas təmsilçisi dördüncü oyunda rəqibini 103:82 hesabı ilə məğlub edərək ümumi hesabı 2-2-yə gətirib.
Görüş ərzində “Spurs” həm müdafiədə, həm də hücumda üstün təsir bağışlayıb. Xüsusilə Viktor Vembanyama yenidən komandasının əsas fiquru olub. Fransalı basketbolçu 33 xal və 8 ribaundla matçın ən məhsuldar oyunçusuna çevrilib.
“Oklahoma” hücumda çətinlik yaşadı
Qonaq komanda oyunun ilk hissəsindən etibarən ritm tapmaqda çətinlik çəkib. Şey Gildjes-Aleksander 19 xal toplasa da, komandasını məğlubiyyətdən xilas edə bilməyib. “San Antonio” isə üçüncü periodda fərqi daha da artıraraq qələbəni rahat şəkildə qoruyub.
Seriyanın növbəti qarşılaşması artıq böyük maraqla gözlənilir. Ekspertlər hesab edir ki, komandalar arasında mübarizə son oyunlara qədər davam edə bilər.
NBA pley-offu – 24 mayın nəticəsi
“San Antonio” – “Oklahoma” 103:82
(28:19, 22:19, 28:22, 25:22)
“San Antonio”: Vembanyama (33 xal, 8 ribaund), Kasl (13 xal, 6 ötürmə), Vassell (13), Foks (12 xal, 10 ribaund), Şampeni (2) – start heyəti; Harper (7), K.Conson (6), Kornet (6 xal, 7 ribaund), Barns (5), Maklaflin (3), Olinik (3), Brayant (0), Uoters (0).
“Oklahoma”: Gildjes-Aleksander (19 xal, 7 ötürmə), Hartenştayn (12 xal, 7 ribaund), Holmqren (10 xal, 9 ribaund), Uolles (5), Dort (2) – start heyəti; Co (11), K.Uilyams (10), Viqqins (4), Makkeyn (4), Ceylin Uilyams (3), Topiç (2), Karuzo (0).
Seriyada hesab: 2-2
