Keçmiş dünya çempionu Tayson Fyuri boks tarixində xüsusi yer tutacaq. “Çingənə Kralı” barədə film çəkmək planlaşdırılır. Bu barədə Netflix məlumat yayıb və film platformada nümayiş olunacaq.
Yeni film haqqında
Netflix, “FURY” adlı tammetrajlı sənədli filmin istehsalını elan edib. Film məşhur britaniyalı boksçunun həyatı və karyerasına həsr olunacaq. Tamaşaçılara Fyurinin dramatik hekayəsini bütün çılpaqlığı ilə təqdim etmək vəd edilir.
Fyurinin karyerası
2024-cü ildə 37 yaşlı Fyuri Aleksandr Usikə iki dəfə məğlub olduqdan sonra karyerasını bitirdiyini açıqlamışdı. Daha sonra o, rinqə qayıdaraq ukraynalı rəqibi ilə trilogiya döyüşü keçirmək istədiyini bildirdi. Lakin hazırda bu qarşılaşma investorların marağını cəlb etmir. Səudiyyə Ərəbistanındakı təşkilatçılar daha çox absolyut çempion ilə Moses Itauma arasındakı döyüşü görmək istəyirlər.
