Ümumdünya Boks Şurası (WBC) superağır çəki üzrə yenilənmiş reytinqini açıqlayıb. Siyahıda əsas dəyişiklik təşkilatın çempionluq kəməri ilə bağlı baş verib. Ukraynalı Aleksandr Usık məcburi titul müdafiəsindən imtina edərək WBC kəmərini boşaltdıqdan sonra müvəqqəti çempion statusunda olan Almaniya təmsilçisi Aqit Kabayel rəsmi olaraq tamhüquqlu dünya çempionu elan olunub.
Buna baxmayaraq, reytinq cədvəlinin ilk pilləsində dəyişiklik olmayıb. Son döyüşündə Arslanbek Maxmudovu məğlub edən britaniyalı Tayson Fyuri WBC-nin superağır çəkidə bir nömrəli namizədi statusunu qoruyub saxlayıb.
İlk üçlüyü isə Lourens Okoli və gənc yüksələn ulduz Mozes İtauma tamamlayır. Ağır çəkidə titul bölgüsündən sonra yaxın aylarda Kabayelin ilk müdafiəsinin məhz reytinqin ön sıralarında qərarlaşan boksçulardan birinə qarşı keçirilməsi gözlənilir.
İlk onluqda kimlər yer alıb?
WBC-nin yenilənmiş superağır çəki reytinqi belədir:
Çempion: Aqit Kabayel (Almaniya)
- Tayson Fyuri (Böyük Britaniya)
- Lourens Okoli (Böyük Britaniya)
- Mozes İtauma (Böyük Britaniya)
- Filip Hrqoviç (Xorvatiya)
- Entoni Coşua (Böyük Britaniya)
- Frank Sançes (Kuba)
- Deontey Uaylder (ABŞ)
- Riko Verhoeven (Niderland)
- Efe Acaqba (Nigeriya)
- Riçard Riakporhe (Böyük Britaniya)
Superağır çəki dərəcəsində titul bölgüsündən sonra qarşıdakı aylarda yeni çempionluq döyüşlərinin elan olunacağı və WBC reytinqində yenidən ciddi dəyişikliklərin baş verəcəyi gözlənilir.
