Yurgen Klopp Almaniya millisinin baş məşqçi postuna əsas namizədlərdən biri olaraq qalır. Almaniya yığmasının 2026-cı il dünya çempionatında gözlənilməz uğursuz çıxışından sonra Almaniya Futbol İttifaqı yeni baş məşqçi axtarışını sürətləndirib və təcrübəli mütəxəssisin bu vəzifəyə maraq göstərdiyi bildirilir. Son məlumatlara görə, Klopp milli komandaya rəhbərlik etməyə hazır olduğunu bildirib.
Hazırda Red Bull şirkətində qlobal futbol rəhbəri kimi çalışan 58 yaşlı mütəxəssisin müqaviləsində Almaniya millisindən rəsmi təklif gələcəyi təqdirdə ayrılmasına imkan verən xüsusi bəndin olduğu da qeyd olunur. Bu səbəbdən tərəflər arasında mümkün əməkdaşlıq real variant kimi qiymətləndirilir.
