Dünyanın ən nüfuzlu qarışıq döyüş növləri təşkilatı olan Ultimate Fighting Championship növbəti dəfə Bakıda turnir keçirəcək. İyunun 27-də baş tutacaq “UFC Fight Night” artıq rəsmi döyüş proqramı ilə diqqət çəkir və idman həvəskarlarına gərgin qarşılaşmalar vəd edir.
Turnirin döyüş kartında həm Azərbaycan təmsilçiləri, həm də beynəlxalq arenada tanınmış MMA döyüşçüləri yer alıb. Xüsusilə yerli azarkeşlər üçün maraqlı olan məqam isə bir neçə yerli idmançının əsas kartda çıxış edəcək olmasıdır.
Əsas döyüş kartı
Turnirin əsas proqramına daxil edilən qarşılaşmalar aşağıdakılardır:
- Rafael Fiziev – Manuel Torres
- Shara Magomedov – Michel Pereira
- Nazim Sadıxov – Kauye Kamilo
- Ikram Aliskerov – Brunno Ferreira
- Asu Almabayev – Charles Johnson
- Abusupyan Magomedov – Michał Oleksiejczuk
- Rizvan Kuniyev – Tyrell Fortune
- İbrahim Yahyayev – Julius Walker
Turnirin vaxtı və formatı
Turnir iki əsas mərhələdən ibarət olacaq. İlkin qarşılaşmalar (“prelims”) saat 17:00-da start götürəcək. Axşam saatlarında isə əsas döyüş kartı başlayacaq və tamaşaçılar günün ən vacib qarşılaşmalarını izləyə biləcəklər.
