Dünyanın ən nüfuzlu qarışıq döyüş növləri təşkilatı olan Ultimate Fighting Championship növbəti dəfə Bakıda turnir keçirəcək. İyunun 27-də baş tutacaq “UFC Fight Night” artıq rəsmi döyüş proqramı ilə diqqət çəkir və idman həvəskarlarına gərgin qarşılaşmalar vəd edir.
Turnirin döyüş kartında həm Azərbaycan təmsilçiləri, həm də beynəlxalq arenada tanınmış MMA döyüşçüləri yer alıb. Xüsusilə yerli azarkeşlər üçün maraqlı olan məqam isə bir neçə yerli idmançının əsas kartda çıxış edəcək olmasıdır.
Əsas döyüş kartı
Hazırda “UFC Baku”nun əsas döyüş kartında aşağıdakı qarşılaşmalar yer alır:
- Rafael Fiziyev – Manuel Torres
- Şarabutdin Maqomedov – Mişel Pereyra
- Brunno Ferreyra – İkram Aliskerov
- Asu Almabayev – Çarlz Conson
- Mixal Oleksiejçuk – Abusupiyan Maqomedov
İlkin kard üçün nəzərdə tutulan döyüşlər isə bunlardır:
- Rizvan Kuniyev – Tayrell Forçun
- Nursulton Ruziboyev – Andrey Pulyaev
- Julius Uoker – Abdul-Rahman Yahyaev
- Bekzat Almaxan – Yan Matsumoto
- Daniil Donçenko – Andreas Gustafsson
- Nazim Sadıxov – Mateus Kamilo
Turnirin vaxtı və formatı
Turnir iki əsas mərhələdən ibarət olacaq. İlkin qarşılaşmalar (“prelims”) saat 17:00-da start götürəcək. Axşam saatlarında isə əsas döyüş kartı başlayacaq və tamaşaçılar günün ən vacib qarşılaşmalarını izləyə biləcəklər.
