2026-cı il dünya çempionatı yalnız meydandakı nəticələrlə deyil, azarkeş marağı ilə də tarix yazmağa davam edir. Turnirin qrup mərhələsində iyunun 16-da keçirilən oyunlar mundiallar tarixinin ən yüksək gündəlik tamaşaçı göstəricisinin qeydə alınması ilə yadda qalıb.
Həmin gün baş tutan dörd qarşılaşmanı ümumilikdə 281 223 nəfər stadiondan izləyib. Beləliklə, dünya çempionatları tarixində bir gündə ən çox tamaşaçı toplayan oyun günü rekordu yenilənib.
Yüksək tamaşaçı göstəricisi aşağıdakı oyunlar hesabına formalaşıb:
Xüsusilə Argentina ilə Əlcəzair arasındakı görüş və Fransa – Seneqal matçı böyük maraq doğurub. Lionel Messi het-triklə yadda qaldığı halda, Kilian Mbappe də Fransa millisinin qələbəsində əsas fiqurlardan biri olub.
Bu nəticə DÇ-2026-nın azarkeş marağı baxımından nə qədər böyük diqqət çəkdiyini bir daha nümayiş etdirib. Qrup mərhələsinin ilk günlərində qeydə alınan göstəricilər turnirin qarşıdakı həftələrdə də yüksək tamaşaçı axını ilə davam edəcəyinə işarə edir. Xüsusilə futbolun ən böyük ulduzlarının meydana çıxması stadionlarda əlavə maraq yaradıb.
