Azərbaycan II Liqasında 2026/27 mövsümünün ilk turuna yekun vurulub. Açılış turunun ikinci oyun günündə üç qarşılaşma keçirilib və azarkeşlər ümumilikdə 13 qol izləyiblər.
“Dinamo” mövsümə inamlı qələbə ilə başlayıb. Komanda “Difai”ni 3:1 hesabı ilə məğlub edib. Zaur Bayramov hesabı açıb, Vüqar Seyidov isə iki dəfə fərqlənərək komandasının qələbəsində əsas pay sahiblərindən olub.
Günün ən məhsuldar və dramatik qarşılaşması “Zəngəzur”la “Ağstafa Gəncləri” arasında keçirilib. Region Liqasının qalibi kimi II Liqaya yüksələn “Zəngəzur” debüt matçında 3:4 hesabı ilə uduzub. “Ağstafa Gəncləri”nin heyətində Elçin Qasımov dörd qol vuraraq pokerə imza atıb. “Zəngəzur”un qapıçısı Şahin Zəkiyev isə 31-ci dəqiqədə qırmızı vərəqə alıb.
“Şəmkir” də mövsümün ilk oyununda maksimum nəticə əldə edə bilməyib. Qərb təmsilçisi Şamaxıda II Liqanın debütantlarından “Marafon”la 1:1 hesablı heç-heçə edib.
II Liqa, 1-ci tur
2 sentyabr:
“Difai” – “Dinamo” 1:3
Qollar: E.Ağalarov, 90+1 – Z.Bayramov, 16; V.Seyidov, 45+1, 62 (pen.).
“Zəngəzur” – “Ağstafa Gəncləri” 3:4
Qollar: R.Şahmuradov, 20, 28; E.Abbaslı, 89 (pen.) – E.Qasımov, 3, 23, 40, 58.
Qırmızı vərəqə: Ş.Zəkiyev, 31 (“Zəngəzur”).
“Şəmkir” – “Marafon” 1:1
Qollar: H.Həsənov, 34 – Ə.Ələkbərli, 75.
Turun ilk oyun günündə də üç qarşılaşma baş tutmuşdu. “Qaradağ Lökbatan” “Hypers”ə 2:1, “Şirvan” “Kür-Araz”a 6:1, “Şəki” isə “Ağdaş”a 4:2 hesabı ilə qalib gəlmişdi.
Beləliklə, II Liqanın ilk turunda keçirilən altı qarşılaşmanın beşində qalib müəyyənləşib. Yalnız “Şəmkir” – “Marafon” görüşündə tərəflər meydanı hərəyə bir xalla tərk ediblər.
