14-16 fevral tarixlərində Bakıda təşkil olunacaq “Böyük Dəbilqə” turnirində Azərbaycan cüdoçularının rəqibləri püşkatma nəticəsində müəyyənləşəcək.
Sport-Az-ın məlumatına görə, turnirə qatılmaq üçün 38 azərbaycanlı cüdoçu (27 kişi və 11 qadın) qeydiyyatdan keçib. Onlardan 15-i hazırda dünya reytinqində ilk səkkizliyə daxildir.
Ən yaxşılar arasında bu idmançılar yer alır: Turan Bayramov, Balabəy Ağayev (hər ikisi – 60 kq), Ruslan Paşayev, Yaşar Nəcəfov, Rəşad Əlkiev (hamısı – 66 kq), Rəşid Məmmədəliyev (73 kq), Zelim Çkayev, Ömər Rəcəbli (hər ikisi – 81 kq), Murad Fətəliyev (90 kq), Uşangi Kokauri, Camal Həmzətxanov (hər ikisi – +100 kq), Leyla Əliyeva (48 kq), Aydan Vəliyeva (52 kq), Açeliya Toprak və Fidan Əlizadə (hər ikisi – 57 kq).
