Əlcəzairli boksçu İman Xelif, cinsiyyət testindən keçə bilmədiyi üçün Beynəlxalq Boks Assosiasiyasını (IBA) məhkəməyə verməyə hazırlaşır.
Sport-Az xəbər verir ki, idmançı bu barədə öz Instagram səhifəsində məlumat paylaşıb. O, Beynəlxalq Olimpiya Komitəsinin (BOK) onu 2024 Yay Olimpiya Oyunlarına buraxması ilə bağlı IBA-nın verdiyi şikayətdən narazı olduğunu bildirib.
“Bu məsələdə günahkar olanlar cavab verməlidir. Biz ədalətin təmin olunması üçün bütün hüquqi vasitələrdən istifadə edəcəyik,” – deyə Xelif vurğulayıb.
İman Xelifin cinsiyyət testi qalmaqalı
İman Xelif 2023-cü ildə Hindistanda keçirilən Beynəlxalq Boks Assosiasiyasının Dünya Çempionatında cinsiyyət testindən keçə bilməmişdi. Eyni testdən Tayvan təmsilçisi Lin Yuitin də uğursuz çıxmışdı. Buna baxmayaraq, Beynəlxalq Olimpiya Komitəsi hər iki idmançının Paris-2024 Olimpiadasında iştirakını təsdiqləmişdi. Nəticədə, Xelif 66 kq çəki dərəcəsində qızıl medal qazanmışdı.
Fransız jurnalistin araşdırması
4 noyabrda Le Correspondent nəşrində fransız jurnalist Caffar Ay Aoudia tərəfindən dərc olunan hesabatda Xelifin cinsiyyət testindən niyə keçmədiyi ilə bağlı bəzi faktlar ortaya çıxıb.
- Məlumata görə, boksçuda testikulların (daxili xayalar) olduğu müəyyən edilib.
- Onun uşaqlığı yoxdur, lakin mikropenisə malikdir, bu isə vizual olaraq böyümüş klitoru xatırladır.
- Hormon analizləri Xelifin kişi cinsinə xas olan yüksək səviyyədə testosteron ifraz etdiyini göstərib.
Bu məlumatlar üzə çıxdıqdan sonra müzakirələr yenidən qızışıb və idmançının yarışlarda iştirakı ilə bağlı suallar yaranıb.
