Bu gün Azərbaycan Premyer Liqasının 7-ci turuna start verilib.
“Qafqazinfo”nun məlumatına görə, turun açılış oyununda “Kəpəz” doğma meydanda “Şamaxı” komandasını qəbul edib.
Gəncə təmsilçisi bu oyunda əvvəlki uğursuz nəticələrə son qoymağa çalışsa da, növbəti dəfə məğlubiyyətlə üzləşib. Qonaq komanda inamlı qələbə qazanaraq səfərdən üç xalla geri dönüb.
Turun ən diqqətçəkən qarşılaşması isə elə bu gün keçiriləcək. Son çempion “Qarabağ” evində əzəli rəqibi “Neftçi” ilə üz-üzə gələcək.
Sabah “Turan Tovuz” və “Araz-Naxçıvan” komandaları qarşılaşacaq. 22 sentyabrda isə “Səbail” “Sabah”ı, “Sumqayıt” isə “Zirə”ni qəbul edəcək.
Azərbaycan Premyer Liqası
7-ci tur
20 sentyabr
“Kəpəz” – “Şamaxı” 0:2
Qollar: Brahim Konate, 16; Georgi Kantariya, 19
Hakimlər: Cavid Cəlilov, Müslüm Əliyev, Kamran Bayramov, Nicat İsmayıllı
Tovuz şəhər stadionu, 17:00
