23 avqustda Səudiyyə Ərəbistanı Superkubokunun finalında “Al-Nassr” – “Al-Ahli” qarşılaşması keçirilib. İlk hissə 1:1 hesabı ilə başa çatıb, “Al-Nassr”ın yeganə qolunu isə portuqaliyalı ulduz Kriştianu Ronaldo vurub.
Bu qolla Ronaldonun Səudiyyə klubu üçün vurduğu qolların sayı 100-ə çatdı. O, “Al-Nassr” forması ilə keçirdiyi 113 oyunda 100 qol və 20 asist qeydiyyatına yazdırıb.
Ən önəmlisi isə Ronaldo futbol tarixində dörd fərqli klub və yığma komandada ən azı 100 qol vuran ilk oyunçu oldu:
- Real Madrid – 450 qol
- Portuqaliya yığması – 138 qol
- Manchester United – 115 qol
- Juventus – 101 qol
- Al-Nassr – 100 qol
Beləliklə, Ronaldo futbol tarixində bənzərsiz bir rekorda imza ataraq öz adını daha da möhkəmləndirdi.
