Azərbaycan I Liqasında mübarizə yenidən qızışır. Bu gün keçiriləcək oyunlarla çempionatda XXII turun ilk qarşılaşmaları start götürəcək. Turun açılış günündə iki maraqlı görüş futbol azarkeşlərinin diqqət mərkəzində olacaq.
İlk oyunda MOİK komandası Binə qəsəbəsində “Zaqatala”nı qəbul edəcək. Meydan sahibləri doğma azarkeşlər önündə uğurlu nəticə qazanmağa çalışacaq. Digər qarşılaşmada isə “Şahdağ Qusar” ilə “Cəbrayıl” üz-üzə gələcək. Bu matçın da gərgin və maraqlı keçəcəyi gözlənilir.
Qeyd edək ki, turun digər üç oyunu növbəti günlərdə keçiriləcək və bununla da turun tam mənzərəsi formalaşacaq.
Azərbaycan I Liqası, XXII tur
15 aprel:
15:00. MOİK – “Zaqatala”
- Hakimlər: Murad Səlimov, Mirnihad Seyidov, Aydın Baxiyev, Maqsud Şamiyev
- Hakim-inspektor: Zöhrab Qədiyev
- AFFA nümayəndəsi: Zaur Hacı-Məhərrəmov
- Stadion: Binə qəsəbə stadionu
16:00. “Şahdağ Qusar” – “Cəbrayıl”
- Hakimlər: İslam Məmmədov, Səbuhi Əmrahov, Səbuhi Soltanov, Namiq Bəkirov
- Hakim-inspektor: Feyzulla Feyzullayev
- AFFA nümayəndəsi: Mübariz Hüseynov
- Stadion: Şamaxı Olimpiya İdman Kompleksinin stadionu
