19 yaşadək futbolçulardan ibarət Azərbaycan milli komandası bu gün Avropa çempionatının seçmə mərhələsində debüt edib. Qrup mərhələsində 13-cü qrupda mübarizə aparan millimiz, Maltanın Ta Qali şəhərində Çexiya U-19 komandası ilə üz-üzə gəlib.
“Centenary” stadionunda keçirilən qarşılaşma çex futbolçularının üstünlüyü ilə 6:1 hesabında başa çatıb. Millimizin yeganə qolunu 70-ci dəqiqədə Şahismayıl Cəfərov vurub. Digər qol müəllifləri arasında Ondrej Penxa (45-ci dəqiqə), Lui Buffon (54, 64, 90+3 dəqiqələr), Adam Sosna (88-ci dəqiqə) və Daniel Şvankara (83-cü dəqiqə) yer alıb.
Növbəti oyunda Azərbaycan U-19 komandası noyabrın 15-də Şimali İrlandiya yığması ilə qarşılaşacaq.
Oyunun baş hakimi Finlandiyadan Oliver Reitala olub.
