İlk matç saat 17:00-da “Araz-Naxçıvan” – “İmişli” görüşü ilə başlayacaq. Bu oyunda Naxçıvan təmsilçisi 11 xalla turnir cədvəlində 4-cü yerdə qərarlaşıb, qonaq komanda isə 8 xalla 7-ci pillədə yerləşir. Oyun “Liv Bona Dea Arena”da keçiriləcək. Hakim briqadasına Cavid Cəlilov, Kamran Bayramov, Müslüm Əliyev və Emin Əliyev daxildir. Video hakimi funksiyasını Rauf Cabarov həyata keçirəcək. AFFA-nın nümayəndəsi kimi Kifayət Mustafayeva təyin olunub.
Günün ikinci qarşılaşması isə saat 19:30-da Zirə İdman Kompleksinin stadionunda təşkil olunacaq. “Zirə” klubu 12 xalla yarış cədvəlinin ikinci pilləsində qərarlaşıb, “Neftçi” isə 7 xalla 8-ci yerdədir. Hakim heyəti Kamal Umudlu, Vüsal Məmmədov, Zöhrab Abbasov və Elvin Bayramovdan ibarətdir. Video köməkçi hakim Rəşad Əhmədov, AFFA nümayəndəsi isə Elman Musayevdir.
Qeyd edək ki, Misli Premyer Liqasında VII turu oktyabrın 5-də digər qarşılaşmalarla tamamlanacaq. İdmansevərlər üçün həyəcan dolu oyunlar hələ qarşıdadır.
Misli Premyer Liqası VII tur – 3 oktyabr
- 17:00 – “Araz-Naxçıvan” – “İmişli”
- Məkan: Liv Bona Dea Arena
- Hakimlər: Cavid Cəlilov, Kamran Bayramov, Müslüm Əliyev, Emin Əliyev
- VAR: Rauf Cabarov
- AFFA nümayəndəsi: Kifayət Mustafayeva
- 19:30 – “Zirə” – “Neftçi”
- Məkan: Zirə İdman Kompleksinin stadionu
- Hakimlər: Kamal Umudlu, Vüsal Məmmədov, Zöhrab Abbasov, Elvin Bayramov
- VAR: Rəşad Əhmədov
- AFFA nümayəndəsi: Elman Musayev
