Azərbaycanın 2-ci Liqasında 9-cu turun oyunları davam edir. Tur çərçivəsində bu gün 3 qarşılaşma keçiriləcək.
Əsas diqqət bu gün ikinci oyun günündə rəqabət aparan komandaların mübarizəsinə yönəlib. 2-ci Liqanın zirvəsində olan “Xankəndi” bu dəfə evdə “Göygöl” komandasını qəbul edəcək. Eyni zamanda, “Qaradağ Lökbatan” da öz meydanında “Kür-Araz”ı sınağa çəkəcək. Üstəlik, 16 xalla qrupda dördüncü və beşinci yerləri paylaşan “Şirvan” və “Şəki Siti” komandaları paytaxtda üz-üzə gələcəklər.
Xatırladaq ki, turda dünən keçirilmiş oyunlarda “Şəmkir” öz meydanında “Ağdaş”ı 4:1, “Dinamo” səfərdə “Ağstafa Gəncləri”ni 1:0, “Quba” isə “Araz Saatlı”yı 4:2 hesabı ilə məğlub edib.
Bugünkü oyunların proqramı belədir:
- 14:00 — “Şəki Siti” – “Şirvan” (Hakimlər: Niyaz Əhmədov, Ruslan Babayev, Rəhman Aslanov, Kamil Aydınov; Hakim-inspektor: Babək Quliyev; AFFA nümayəndəsi: Kifayət Mustafayeva) – Rekord Arena
- 14:00 — “Xankəndi” – “Göygöl” (Hakimlər: Fəridə Lütfəliyeva, Sevda Nuriyeva, Əkbər Əliyev, Nahid Xasıyev; Hakim-inspektor: Vüsal Əliyev; AFFA nümayəndəsi: Eldəniz Musayev) – Palms Sports Futbol Mərkəzi (IV meydança)
- 14:30 — “Qaradağ Lökbatan” – “Kür-Araz” (Hakimlər: Sənan Bayramzadə, Cavid Ömərov, Rizvan Süleymanov, Nazim Abdullayev; Hakim-inspektor: Şahin Cəfərov; AFFA nümayəndəsi: Asif Əliyev) – Lökbatan Olimpiya İdman Kompleksinin stadionu
Son oyunlar 2-ci Liqada sıralamanın dəqiqləşməsində və üstün mövqeyə yüksəlməkdə əhəmiyyətli olacaq.
