Danimarkanın “Kopenhagen” klubunun baş məşqçisi Yakob Neestrup Bakıda mətbuat konfransında “Qarabağ”a qarşı keçiriləcək UEFA Çempionlar Liqasının əsas mərhələsinin II tur matçı ilə bağlı fikirlərini bölüşüb. Xəbər verir ki, Neestrup rəqib komandaya yüksək hörmətlə yanaşdıqlarını ifadə edib.
O bildirib: “Stadionun ot örtüyü ideal səviyyədə olmaya bilər, lakin bu, bizə səbəb ola bilməz. Bizim əsas hədəfimiz qələbə qazanmaqdır. “Qarabağ”ın avrokuboklarda davamlı çıxışları və hücum xəttindəki güclü oyunçuları bizim diqqətimizi çəkir. Səyahətimiz problemsiz keçib və biz sabahkı oyuna tam hazırıq”.
Qeyd edək ki, “Qarabağ” və “Kopenhagen” komandaları arasında matç oktyabrın 1-də saat 20:45-də Bakıdakı Tofiq Bəhramov adına Respublika stadionunda başlayacaq.
