UEFA Konfrans Liqasının 2026/2027 mövsümü üzrə ikinci təsnifat mərhələsinin püşkü öncəsi Azərbaycan təmsilçiləri “Neftçi” və “Zirə”nin potensial rəqiblərinin siyahısı dəqiqləşib. UEFA-nın komandaları alt qruplara bölməsindən sonra mümkün variantların sayı əhəmiyyətli dərəcədə azalıb.
“Neftçi”ni kimlər gözləyir?
Mübarizəyə ikinci təsnifat mərhələsindən başlayacaq paytaxt təmsilçisi səpələnməmişlər səbətində yer alacaq. Komandanın mümkün rəqibləri aşağıdakılardır:
- “Ludoqorets” (Bolqarıstan)
- “Rakuv” (Polşa)
- “Apollon” (Kipr)
- “Dinamo” (Albaniya) – “Astana” (Qazaxıstan) cütünün qalibi
- “Dinamo” (Belarus) – “Sileks” (Şimali Makedoniya) cütünün qalibi
“Zirə” üçün mümkün ssenarilər
Birinci təsnifat mərhələsində Gürcüstanın “Torpedo” klubu ilə qarşılaşacaq “Zirə” növbəti raunda yüksələcəyi halda aşağıdakı rəqiblərdən biri ilə üz-üzə gələ bilər:
- AEK (Kipr)
- ÇFR Kluj (Rumıniya)
- “Spartak” (Slovakiya)
- “Hegelmann” (Litva) – “Paide” (Estoniya) cütünün qalibi
UEFA reqlamentinə əsasən, püşkatmadan əvvəl komandalar alt qruplara bölündüyündən mümkün rəqiblərin sayı azalır və iştirakçılar daha məhdud seçimlərlə qarşılaşırlar.
Qeyd edək ki, Konfrans Liqasının ikinci təsnifat mərhələsinin ilk oyunları iyulun 23-də, cavab görüşləri isə iyulun 30-da keçiriləcək.
