2026-cı il dünya çempionatının ən böyük sürpriz simalarından biri olan Kabo-Verde millisinin qapıçısı Vozinya karyerasını ABŞ-da davam etdirə bilər. İspaniyanın Marca nəşrinin yaydığı məlumata görə, Lionel Messinin çıxış etdiyi “İnter Mayami” 40 yaşlı qolkiperi transfer etmək variantını nəzərdən keçirir. Bu barədə digər beynəlxalq nəşrlər də məlumat yayıb.
Hazırda təcrübəli qapıçı azad agent statusundadır. Onun Portuqaliyanın “Şaveş” klubu ilə müqaviləsi başa çatdığı üçün mümkün transferin həyata keçirilməsi əlavə transfer məbləği tələb etmir. Bu da MLS klubunun danışıqlar aparmasını asanlaşdıran əsas amillərdən biri hesab olunur.
Vozinya dünya çempionatında Kabo-Verde millisinin tarixi uğurunda əsas fiqurlardan biri olub. Debütant komanda sensasiyalı şəkildə pley-off mərhələsinə yüksələrək turnirin ən böyük sürprizlərindən sayılıb.
Təcrübəli qapıçı xüsusilə İspaniya və Argentina ilə oyunlardakı inamlı çıxışı, o cümlədən Lionel Messinin zərbələrini dəf etməsi ilə böyük diqqət çəkib. Kabo-Verde yalnız əlavə vaxtda Argentinaya 2:3 hesabı ilə uduzaraq mundialla vidalaşıb və əsas vaxt ərzində məğlub olmayıb.
