Şəkidə keçirilən “Sheki Open” beynəlxalq şahmat festivalı davam edir. Sport-az.com xəbər verir ki, turnirin yeddi turundan sonra Xaqan Əhməd liderliyini qoruyub. Gənc və istedadlı şahmatçı artıq altıncı qələbəsini qazandıqdan sonra 6,5 xalla turnir cədvəlinin zirvəsində möhkəmlənib.
Turnir cədvəlinin ilk üçlüyü:
- 1-ci yer: Xaqan Əhməd – 6,5 xalla
- 2-ci yer: Vitali Bernadski (Ukrayna) – 6 xalla
- 3-cü yer: Vüqar Manafov – 5 xalla
Qeyd edək ki, “Sheki Open” Azərbaycan Şahmat Federasiyasının təşəbbüsü ilə keçirilən “Chess Tour Azerbaijan” yarışının bir mərhələsidir.
